25.02.2018 அன்று கலைக்கோட்டன் அ.இருதயநாதன் எழுதிய “அமேசன் காட்டில் அழகன் பூசாரி” என்ற சிறுகதைத் தொகுதி, “உணர்வுகள்” என்ற நாடகத்தொகுதி மட்.மகாஜன கல்லூரி பிரதான மண்டபத்தில் வெளியிடப்பட்டது. அமேசன் காட்டில் அழகன் பூசாரி கொடகே விருதுபெற்ற நூலாகும். உணர்வுகள் கிழக்கு மாகாண பண்பாட்டு அலுவல்கள் திணைக்களத்தின் வித்தகன் விருது பெற்ற நூலாகும். உணர்வுகள் என்ற நாடகத் தொகுதியில், கலை இலக்கியத்தில் நாட்டுக்கூத்து, மேடை நாடகம், அம்மானை கவிதை ஆகிய அம்சங்கள் இடம் பெற்றுள்ளன.
கிழக்கு பல்கலைக்கழக சிரேஷ்ட விரிவுரையாளர் அருட்தந்தை எ .எ . நவரெட்ணம் தலைமையில் நடைபெற்ற இந்த வெளியீட்டு நிகழ்வில் பிரதம அதிதியாக மாவட்ட அசாங்க அதிபர் எம் .உதயகுமார் , சிறப்பு அதிதிகளாக மட்டக்களப்பு வலயக்கல்விப் பணிப்பாளர் கே .பாஸ்கரன் , தாண்டவன்வெளி தூய காணிக்கை அன்னை ஆலய பங்கு தந்தை ரமேஸ் கிறிஸ்டி, பேராசிரியர் எஸ் .மௌனகுரு , மற்றும் இலக்கிய வாதிகள், எழுத்தாளர்கள் , கலைஞர்கள் என பலர் கலந்துகொண்டனர்.
